Çfarë është radiofrekuenca?

Radiofrekuenca është një ndër trajtimet më të avancuara të mjekësisë estetike, ku përmes induktimit të nxehtësisë në shtresën e dermës, stimulon prodhimin e kolagjenit dhe elastinës. Ky proces ndihmon në tendosjen e lëkurës dhe reduktimin e shenjave të plakjes, duke i dhënë lëkurës një pamje më rinore dhe të freskët. Përveç stimulimit të kolagjenit dhe elastinës, nxehtësia gjithashtu përmirëson furnizimin e indeve me oksigjen, duke nxitur qarkullimin e gjakut.

Qëllimi i trajtimit me radiofrekuencë

Qëllimi i trajtimit me radiofrekuencë është përmirësimi i pamjes dhe cilësisë së lëkurës. Benefitet kryesore përfshijnë:

• Stimulimi i prodhimit të kolagjenit dhe elastinëspër një lëkurë më të tendosur.
• Nxitja e qarkullimit të gjakut në inde, duke i dhënë lëkurës freski dhe vitalitet.
• Reduktimi i hiperpigmentimit, për një ngjyrë të njëtrajtshme të lëkurës.
• Tendosja e lëkurës dhezbutja e rrudhave, për një pamje më të re.

Avantazhet e radiofrekuencës 

Radiofrekuenca është një nga trajtimet më të preferuara në mjekësinë estetike për disa arsye të rëndësishme:

• Jo-invaziviteti.Procedura nuk kërkon ndërhyrje kirurgjikale, duke e bërë të përshtatshme për një gamë të gjerë individësh.
• Rehati gjatë trajtimit.Krahasuar me procedurat e tjera, radiofrekuenca është më pak e dhimbshme dhe nuk kërkon anestezi.
• Koha e rikuperimit.Pas trajtimit, klientët mund të kthehen menjëherë në aktivitetet e përditshme, pasi procedura nuk ka nevojë për kohë rikuperimi.
• Rezultate progresive dhe të qëndrueshme.Stimulimi i prodhimit të kolagjenit dhe elastinës përmirëson lëkurën gradualisht dhe efektet zgjasin në kohë.
• Efekte anësore minimale.Efektet anësore janë të rralla, të lehta dhe të kalueshme, duke e bërë këtë një nga trajtimet më të sigurta për një lëkurë të shëndetshme.

Këto avantazhe e bëjnë radiofrekuencën një zgjedhje ideale për përmirësimin estetik të lëkurës.

Kohëzgjatja, seancat dhe rezultatet e trajtimit

Procedura e radiofrekuencës zgjat rreth 30 minuta për seancë dhe është plotësisht e rehatshme, pasi klienti ndien vetëm një ngrohtësi të lehtë. Anestezia nuk është e nevojshme, duke e bërë këtë një trajtim jo-invaziv dhe të përshtatshëm për shumicën e individëve. Për rezultate optimale, rekomandohen 5–10 seanca me një interval prej 2 javësh mes tyre. Efektet e para fillojnë të shfaqen pas disa seancave dhe përmirësohen më tej me kalimin e kohës, duke përmirësuar elasticitetin dhe vitalitetin e lëkurës për një pamje më rinore dhe të freskët.

Zonat ku aplikohet radiofrekuenca

Radiofrekuenca është një trajtim fleksibël që mund të aplikohet në zona të ndryshme të trupit për të përmirësuar elasticitetin dhe tonin e lëkurës. Përveç fytyrës, që është zona më e zakonshme për trajtim, radiofrekuenca është gjithashtu efektive në qafë, dekolte, duar dhe zona të tjera të trupit si barku, kofshët dhe krahët. Aplikimi i saj në këto zona ndihmon në zbutjen e rrudhave, reduktimin e celulitit dhe forcimin e lëkurës, duke i dhënë një pamje të tonifikuar dhe të re.

Radiofrekuenca: efektet anësore të mundshme

Efektet anësore janë të rralla dhe zakonisht të kalueshme. Ato mund të përfshijnë:

• Skuqje të lehtë ose ndjesi djegie në zonën e trajtuar, që largohet shpejt.
• Irritim të përkohshëm të lëkurës.

Këto efekte janë të përkohshme dhe të kurueshme me kujdesin e duhur.

Këshilla pas trajtimit

• Hidratoni lëkurën me një krem të përshtatshëm hidratues për të ruajtur elasticitetin dhe qëndrueshmërinë e saj.
• Mbroni lëkurën nga Dielli duke përdorur krem mbrojtës sa herë të ekspozoheni në rrezet e Diellit, për të parandaluar dëmtimet nga rrezet UV dhe për të ruajtur rezultatet e trajtimit